Ispasterko oraingo adinekoak gaur egungoarekin zerikusirik ez duten bizimoduak izan dituzte: iturriko urik gabe, argindarrik gabe, eta ia komunikazio-sistemarik gabe. Udalerria landagunean dago, eta, batez ere, nekazaritzatik eta abeltzaintzatik bizi da, baina, Lekeitiotik hurbil dagoenez, arrantzako kontserba-industrian, gazitze-industrian… ere aurkitzen du lana. Hortaz, udalerrian historia horren protagonista izan diren adinekoen kultura, ezagutza eta esperientziak ezagutarazi behar ditugu, eta gaur egungo bizimoduekin, jarduerekin eta gizarte-ingurunearekin alderatuz haiek ikusarazi. Adinekoek asko dute erakusteko, baina ikasi ere egin dezakete. Ispasterko eskolaren eta ikasleen garaiak ez du zerikusirik haien aitona-amonenarekin, eta irakaskuntzak eta ezagutza hartzeko eta izapideak egiteko metodo informatikoak izugarri aldatu dira. Hori dela eta, Bizi elkarteak esperientziak eta ezagutzak elkarri erakusteko aukera eskaini zion Ispasterko eskolari, eta, aldi berean, belaunaldiarteko elkartasuna, gizarteratzea eta gizarte-kohesioa lantzeko, adinekoak baloratzeko, portaerak, elkarrekiko errespetua, boluntario gisa aritzeko aukera ere...