Joan edukira
Letra-tamaina:100% Gaia:light Testuaren tartea:0
Lagunkoia Lagunkoia
euskadi.eus euskadi.eus
eu
es
Egin bat sarearekin

Zer egin behar da Udalerri Lagunkoia izateko?

Udalerri Lagunkoia

Udalerri Lagunkoia izateko, adineko pertsonen inplikazioa eta Udalaren konpromisoa behar dira. Lagunkoitasunean aurrera egite aldera, etengabeko hobekuntzako zikloari hasiera emango zaio horrela.

Egin bat

Zure udalerria Euskadi Lagunkoia ekimeneko kide egiteko urratsak

1. Urratsa
Udalak Euskadi Lagunkoia ekimenera atxikitzeko dokumentua sinatzea

Hasteko, proiektura atxikitzeko sinadura eta ekimen lagunkoiak garatzeko konpromisoa eskatzen zaio Udalari.

2. Urratsa
Etengabeko hobekuntzako zikloari hasiera ematea

Atxikitzeko sinaduraren ondoren, 4 fase dituen lan plana finkatuko da, eta baita 0 fasea ere, adineko pertsonak protagonista izango dituen Talde Sustatzailea martxan jartzeko.

ETENGABE HOBETZEKO 4 FASE

Etengabeko hobekuntzako 4 fase

  • 0. fasea: talde eragilea sortzea. Batez ere, udalerriko lagunkoitasuna hobetzeko lan egiten duten adinekoek osatzen dute. Talde hori da prozesu osoaren buru eta Udalari laguntzen diona.
  • 1. fasea: Diagnostikoa. Udalerriaren lagunkoitasun-mailari buruzko hasierako balorazioa, adinekoen eta, oro har, herritarren iritzia entzunda.
  • 2. fasea: Lagunkoitasun plana. Diagnostikoaren beharrak detektatu ondoren, Planean helburuak eta jarduera-ildoak zehazten dira, beharrei erantzuteko egin beharreko ekintzen proposamenekin batera.
  • 3. fasea: Esku-hartzea. Plana aurkeztu ondoren, ekintzak edo ekimenak martxan jartzen hasten da.
  • 4. urratsa: Ebaluazioa. Amaitzeko, martxan jarritako ekintzen eta udalerrian garatutako prozesuaren fase guztien ebaluazioa egiten da.

Lau fase horiek etengabeko hobekuntzako ziklo bat osatzen dute. Azken ebaluazio-fasea amaitutakoan, lehenengo fasetik (diagnostikoa) hasi behar da lanean. Hala, etengabeko hobekuntza-prozesu bat ezartzen da udalerri lagunkoi bat lortzeko.

Zer eskaintzen du Euskadi Lagunkoiak?

Fase eta urrats guztien garapenean laguntzeko, Euskadi Lagunkoiak laguntza teknikoko taldea jarriko du udalerrien eskura.

Hona hemen talde horren zereginak:

Aholkularitza eta prestakuntza

1
Aholkularitza tekniko pertsonalizatua: Udalerri bakoitzak dituen beharretara egokitutako laguntza metodologikoa, fase bakoitzean eman beharreko pausoei dagokienez.
2
Laguntzeko materialak egitea: Fase bakoitzerako gida metodologikoak landuko ditu, eta horiek erabiltzeko adibideak eta tresnak eskainiko ditu (herritarrekiko harremanetarako galderen gidoia, lagunkoitasunari buruzko galdera sorta, kartelak, ekintzen fitxak, adierazleen fitxak eta abar).
3
Lagunkoitasunaren eta metodologiaren inguruko online prestakuntza: Lagunkoitasun proiektua eta zenbait programa garatzeko doako trebakuntza, Prestakuntza tresnaren bidez.

Esperientziak trukatzea

4
Udalerrien arteko komunikazioa sustatzea: Jardunbide egokien eta izandako esperientzien trukea bultzatzea, eta tokiko ekimenetan parte hartzen dutenen arteko harremanak bideratzea.
5
Lurraldeko batzordeak dinamizatzea: Lurralde bakoitzeko (Arabako, Bizkaiko eta Gipuzkoako) udalerrien arteko bilkurak, esperientziak partekatzeko, beste udalerri batzuetako egoera ezagutzeko, ikasteko eta urteko erronka erabakitzeko.
6
Esperientziak eta jardunbide egokiak ezagutzera ematea: Horretarako, horiek guztiak jardunbide egokien basean bildu, sistematizatu eta barreiatzea; urtero, Jardunbide egokien Jardunaldia egitea eta Euskadi Lagunkoia saria ematea.

Programak ezartzea

7
«Establezimendu Lagunkoia» tailerrak dinamizatzea: establezimenduetan lagunkoitasuna hobetzeko jarraibideei buruzko aholkularitza ematea saltokiei, eta bateratze lana egitea haiekin.
8
Programa berriak diseinatzea: Atxikitako udalerrietan gauzatzeko ekimen berriak lantzea (Farmazia Lagunkoiak, adibidez).
9
Lagunkoitasunak Euskadin dituen erronkei buruzko gida monografikoak lantzea: etxebizitza, bakardadea, parte-hartzea eta bestelako gaien inguruko programa zehatzak martxan jarri eta garatzeko gakoak eskaintzeko.

Barreiatzea eta komunikatzea

10
Aurrerapenak ezagutzera ematea: Euskadi Lagunkoiaren webgunean eta sare sozialetan aukera dago atxikitako udalerri bakoitzean lortutako aurrerapenen berri emateko.
Nola jarri martxan talde sustatzailea?
Informazio gehiago
Nola egin lagunkoitasunaren diagnostikoa?
Informazio gehiago

Prestakuntza

Faseak garatzeko onlineko prestakuntzarako tresna

Informazio gehiago