Udan, Eako biztanleen kopuruak nabarmen egiten du gora, eta, beraz, bizimodua nabarmen aldatzen da. Txakurrak paseatzera ateratzen dituzten pertsonen eta bizikletan ibiltzen diren haur eta gazteen kopuruak ere gora egiten du. Udalerrian egindako diagnostikoaren arabera, alderdi hori hobetu beharreko alderdien artean sartu zen. Adinekoentzat, txakur-gorotzekin edo txakurrak aske eramatea arazo bat izan daiteke, baita bizikletan abiadura handian ibiltzea ere. Adineko pertsonak erortzeko edo kolpe bat hartzeko beldur dira.

Ekintza-plana diseinatzean, talde sustatzaileak gaia lantzeko sentsibilizazio-kanpaina bat egitea erabaki zuen.

Kanpainaren testua adinekoek egin dute, eta diseinu-enpresa baten eta Udalaren laguntzarekin, kanpainaren euskarriak argitaratu dira. Kanpaina honakoek osatzen dute: liburuxkak, kartelak, eranskailuak eta xuxurlatzaileak.