Laguntza-gutunen proiektua 2020ko martxoko konfinamendu-aldian sortu zen, osasun-krisiak eta Irungo Udaleko gizarte-ongizateko arloko adinekoen zerbitzuaren eta Itziar Sistiaga idazle eta idazketa-irakasle irundarraren arteko lankidetzak eraginda.

2020ko martxoaren 14tik, osasun-krisia dela eta, guztiok ikasi behar izan dugu egoera berri batean bizitzen, eta, gure osasuna babesteko, kasu askotan, maite ditugun pertsonengandik isolatu gaituzte, baita hobeto eta egonkor sentiarazten gaituzten errutinetatik eta jardueretatik ere.

Jende asko ahul sentitu zen eta tristura, beldurra eta nahasmena jasan zituen. Adinekoekin harremana eta lotura izaten jarraitzeko ideia horretan, laguntzeko modu asko zeudela ulertu genuen, eta horietako bat laguntza-gutunen proiektua izan zen.