Taldean ibiltzea gure artean oso errotuta dagoen ohitura da. Ohitura horrek, gainera, lagundu egin du pertsonen arteko harreman-moduak eta gure kultura-ingurunean oso bereizgarriak diren ondare publikoaz gozatzeko jarduerak mantentzen. "Mendira joateak" jarduera fisiko hutsetik haratago doazen konnotazioak ditu: harreman sozialak izateko modu bat da, gure ingurune naturalaren parte sentitzeko eta baloratzeko modu bat, hiri-bizikidetza ohikoan agertzen ez diren zeharkako loturak sortzeko.es.

Horregatik, Zapatilla proiektua jarri zen abian. Proiektu horren helburua da, dauden baliabideak aprobetxatuz edo behar den neurrian hobetuz, Abadiñon ohiko jarduera fisiko gisa paseatzea sustatzeko beharrezkoak diren azpiegitura eta ohiturak garatzea, jarduera horretan jada praktikatzen ari diren pertsonak mantenduz, jarduera utzi dutenak berreskuratuz eta inoiz ariketa fisikorik egin ez duten pertsonak bertan sartuz.