Proiektu honen bidez, eta egungo testuinguruan, bizikidetzaren eta memoria inklusiboaren gaia mahai gainean jartzea. Azken euskal gatazka armatuak Antzuolan eragin dituen ondorioak aztertu nahi dira. Aurreko garaietan ez bezala, gure ustez ezinbestekoa da elkarbizitza eta memoria kolektiboa sustatzea, ahanzturak arrakasta izan ez dezan. Bi kontzeptuek — bizikidetzak eta memoriak — gatazkaren konponbidearekin eta giza eskubideekin dute zerikusia, eta gizarteak normaltasunez onartzen ditu; beraz, uste dugu une egokia dela proiektua bultzatzeko.

Gure ustez, koiuntura aprobetxatu eta ikerketa bultzatu behar da. Ikerketa hori toki-mailan egin arren, hasieratik nazioarteko arau eta esparru juridiko desberdinekin lotu nahi izan dugu. Arlo juridikoan, lau eremu aztertu dira: Nazio Batuen Erakundea, Europar Batasuna, Espainiako Estatua eta Euskal Autonomia Erkidegoa.